護髮系列：Shiseido Aquair Deep Moist Extra Treatment

頭髮好似皮膚一樣, 都要定期做treatment, 除左去salon做treatment可以考慮在家焗油.  Shiseido Aquair Deep Moist Extra Treatment較優勝嘅地方係唔駛等15-20分鐘先過水, 搽完即沖好方便, 效果仲好好添.

Aquair含鎖養型導水因子及天然氨基酸精華, 有效滲入頭髮的毛鱗片縫隙補充內部流失的水分和營養, 滋補髮芯, 頭髮用完非常光滑柔順, 唔會打結同蓬鬆, 又有彈性又夠光澤. 基本上用一次都已經好amazing, 我之前因電髮/負離子令到頭髮好乾, 髮尾開叉, 就算吹完頭都唔貼服, 但用左呢支treatment有明顯改善,b一星期2次都已經okay, 其他日子用返conditioner.

順帶一提, 之前曾經喺卓悅買過呢個系列, 不過效果就無咁好, 唔知係因為新出左改良版定其他原因.

用法: 洗髮後輕輕拭乾水份, 將treatment塗勻頭髮(集中髮尾)再沖水就得.

$45 / Mannings, Watsons

dramatical EYES 睫毛液

Dramatical呢個名真係改得好啱, 呢支mascara真係有咁嘅效果. 比起其他mascara, dramatical EYES含有一個特別成份 - 記憶睫毛形態, 利用彈性薄膜配方包裹每一根睫毛, 就算過咗成日都keep住又捲又翹, 加上「中空粉末配方」, 重覆使用都唔會令睫毛塌落嚟, 又防水, 唔會變熊貓眼.

dramatical EYES一共有4支, 每支唔同特點, 有base, coat, 睫毛液分纖長同埋濃密, 今日介紹呢支係dramatical EYES VOLUME.  只要塗一層都夠濃密,  貪心d多塗幾遍都唔會結塊, 但又keep到輕身, 好正!

刷頭夠細又啱眼型, 好易搽

冇搽base就可以咁翹, 好堅!

卓悅 $95

All-in-one Bobbi Brown BB Cream

呢支BB Cream早在5月於首爾機場duty free見到已經急不及待買黎試, 可惜用上面發現控油效果唔理想(其實佢主打保濕, 所以都預咗), 到宜家秋天再拎出黎用, 果然冇令我失望.

Bobbi Brown主打黃色基調的底妝用品, 呢款BB Cream都一樣, extra light最淺色, 我用light, 自然真實但又帶出肌膚的自然光澤.  Texture都算light, 好易推開, 遮到面上的小瑕疵, 皮膚睇落smooth咗同埋毛孔細咗,  效果持久. 由於配方含有大量透明質酸, 可以提供充足的保濕度滋潤肌膚, 所以呢個天氣用真係perfect! 配有SPF 35 PA+++防曬功能, 保護肌膚免受UVA 和UVB的傷害.

薄塗一層(puff或手指也可)已經cover到毛孔, 鼻側/鼻下的紅印及稍黃的膚色

$340/40ml

溫和潔淨的Avalon Organics洗頭水

年頭好不幸地連續用2隻洗頭水都頭皮敏感(從未出現過呢個情況), 痕到爆炸的情況下轉用有機成份洗頭水, 試左好幾個brand, 由幾十蚊到幾百蚊, 其實平貴真係用唔出分別, 分別就係有機成份%有幾高, 反而隻隻organic shampoo都有一個共通點 - 就係用完shampoo後頭髮鞋拾拾, 因為沒有一般洗頭水滋潤頭髮的成份, 不過再用埋護髮素都okay...只係試過有一隻在萬寧買的蘆薈有機洗頭水, 我用左2次就掉都掉唔切, 因為佢本身冇出conditioner, 用shampoo洗完已覺頭髮勁鞋, 就算之後再用其他brand的conditioner, 都"kick"到梳唔到, 吹完頭重好蓬鬆!!!＠＠

咁多隻brand當中Avalon Organics表現最理想, 夠溫和但洗得乾淨, 70% 有機成份高效配方, 不含苯甲酸防腐劑, 有害防腐劑, 合成色素, 人造香料, 鄰苯二甲酸脂類或有害硫酸鹽發泡劑, 安全可靠, 並蘊含有機認證的植物精油, 有lavender, lemon, ylang ylang, tea tree, mint, rosemary唔同成份, 我差唔多試過哂, 全部都正. $54.9一支, watsons耐唔耐有promo@$39,9, 不過唔好入太多貨, 半年就到期架喇.

剛剛發現原來有facebook page:　http://www.facebook.com/AvalonOrganics.hk (shop list那版有售賣點地址)

Tonymoly雙氧水面膜全港回收

台灣當局早前驗出韓國化妝品名牌 Tonymoly一款面膜含有當地禁用的雙氧水，該款面膜在港亦有售，有個人護理用品店已接獲供應商通知回收。海關昨表示，本港規定化妝品或護膚品含雙氧水的安全限量為 4%，已派員到市面嘗試購買該產品化驗。

台灣新北市衞生局驗出含 2%雙氧水的產品為 Tonymoly的 Magic white massage pack（神奇番茄美白按摩面膜）。同款面膜在本港屈臣氏及莎莎等店舖有售。屈臣氏表示，已接獲供應商通知會回收該款面膜；莎莎表示，昨日自願將該款面膜下架，保障消費者安全。

本港安全限量 4%較寬鬆

海關表示，在測試化妝品或護膚品方面，海關是參考國際採用的認可安全指引，如歐盟議會指令。根據該指令，化妝品或護膚品的雙氧水安全限量為 4%。海關已派員到市面巡查，嘗試購買樣本交由政府化驗所化驗。若發現產品有問題，會採取跟進行動。

城市大學生物及化學系副教授林漢華表示，台灣化妝品的化學物質含量標準一向較嚴格，若本港將護膚品的雙氧水含量上限訂為 4%屬較為寬鬆。一般用來洗傷口或消毒的藥用雙氧水，含量只有 3%，並只用來塗抹；化裝品及護膚品是長時間用於皮膚，若雙氧水含量多會令皮膚痕癢，故標準應較嚴格。

他續指，用來做實驗的雙氧水含量為 10%，不小心接觸會令皮膚痕癢，「忍唔住要即刻洗手」。工業用的雙氧水含量為 37%，接觸後會感到痛楚，「皮膚會即刻白咗，好似白雲鳳爪嘅白色」，脫皮後沒大礙，一般不會有長遠後遺症。

Source: http://hk.apple.nextmedia.com/template/apple/art_main.php?iss_id=20110922&sec_id=4104&subsec_id=11867&art_id=15636161

金箔護膚Encore - Kinka金華

除左之前介紹嘅Sassou, Kinka係另一個日本金箔skincare牌子, 應該係金箔護膚品始祖. 早前皮膚有d敏感, 成條line轉用左金箔護膚品, 都用左幾星期, 效果非常滿意, 冇敏感仲感覺到塊面白滑左, 少左暗粒.

洗面皂 - 成日覺得soap好煩, 不過呢舊soap一定令你刮目相看, 因為真係洗得好好好乾淨

係暫時用過最好的洗面product

可以買個起泡網, 搓一下就好多泡, d泡好軟好綿, 輕輕打圈按摩, 面上嘅污垢就會洗走哂

起泡網 $15@muji

Lotion - gel狀質感, 全面搽, 令之後搽嘅skincare更吸收

金箔勁多, 搽上面再按摩下就吸收哂

面霜 - 全身都用得, 不過我用上面only, 塊面變得柔軟, 保濕超強, 滑嘟嘟

如之後上粉用sponge好d, 因為用手指有機會捽到d擦膠碎出黎

另外仲用過essence, sheet mask, gel mask, 全部效果都好好, gel mask可以reuse 10次, 好抵用. 我皮膚較油, 夜晚用essence就得, 早上lotion + cream已夠.

左上角係金箔sheet mask, 用完好有光澤, 面色好好

香港暫時得9 Beauty有, 貴日本買勁多 @@.

又平又靚的Canmake Cream Cheek

Powder blush就用得多, cream blush用過未呢? 呢隻canmake好抵用, 上色度好滿意, 夠持久.

特色:
♥ 質感夠creamy, 容易推開
♥ 融化性啫喱狀配方, 掃上面頰會馬上變乾, 唔會油淋淋
♥ 夠哂貼面, 皮膚乾用唔到粉狀胭脂最啱用
♥ 略帶shimmer, 令面色更明亮 

一共有8個color, 橙/粉紅/peach tone都有

我買左01, 02, 03

02較紅, 01, 03會粉色d

用法: 用手指點少少上蘋果位, 再推開佢, 我用緊02, 好自然

想深色D可以點多少少, 或將呢個cream cheek打底再上powder blush, 顏色會更加突出

呢個blush我都買左2年, 當時$62, 宜家$72@log-on, yen貴成咁, 算加得少.

神奇的Sassou金箔Clay Mask

金箔護膚品的熱潮由上年起一直都冇減退, 重愈黎愈HIT. 我分別買左Kinka同Sassou兩個品牌嘅唔同產品試用, 有soap, toner, essence, cream, 金箔mask (真係成塊金箔貼上面). 全部都好正, 而最意想不到就係呢個clay mask.

用金箔嚟護膚有咩好處呢? 根據Sassou官方網站, 金箔帶有大量離子, 能滲透至肌膚真皮層, 活化細胞分裂及生長, 延緩巨噬細胞對膠原蛋白及彈力蛋白的分解, 抑制黑色素的形成, 達至肌膚美白及提升彈力. 金能加速細胞生長, 令新細胞取代舊細胞, 令老化的肌膚變得年輕且健康；其次, 金箔能有效抑制黑色素母細胞的成長, 能令暗沉的肌膚變得光滑明亮；第三, 金能中和自由基, 平衡皮膚的酸鹼度, 讓膚質更穩定, 預防老化.

睇packing的話, sassou一d都唔似日牌, 不過好用就得啦, right?

呢個clay mask含海洋中的各種礦物質, 超過 40種純天然成份經過長時間提煉成為微細粒子. 主要成份包括有 : 日本千年海泥, 千足金箔, 甘油, 肉豆蔻酸, 尿素, 透明質酸, 溶血卵磷脂, 金盞花提取物, 人參.

texture比一般clay mask薄

用法好簡單, 於全面(避開眼, 嘴)薄塗一層, 等1分鐘加水打圈, 再洗乾淨.  面膜入面嘅微細粒子吸取毛孔裡的污垢, 去除死皮,  平衡油脂及緊緻毛孔. 真係短短一分鐘就做到哂以上效果, 又唔乾, 重有美白效果. 如面上有黑頭(尤其係鼻上), 用完真係吸走哂(好多clay mask都係將d黑頭浮面, 要自己再清, 但呢個真係完全清走), 柔軟白滑, 好神奇! 如果當洗面膏用, 先加水起泡, 用泡按摩面部, 再洗淨就可以.

由即日至月中, 旺角及又一城的logon有promotion counter, 有不同的promotion set, 另外買一件貨就有coupon送, 買第2件就用得, total5張coupon, 1張$100(買咩都用得), 3張$200(夠$1600先用得), 1張$300(夠$2300先用得).

$580/30g (9月中有upgrade版, 貴$100)

學化妝@Portfolio by Gary Chung & Eleena Yu

我未去Portfolio學化妝前, 都識基本嘅化妝技巧, 因為本身對化妝有興趣, 所以諗住再學得深入d, 閒時又可以賺下外快.

Portfolio有唔同嘅course, 我揀咗最多元化嘅創意造型化妝師 (MIC) Diploma 課程, 分3部份, 每星期上2.5hrs, total7-8個月. Part A教新娘妝 (搽粉, 遮瑕, 打陰影, 晝眉, 眼妝, 梳髻), Part B教唔同年代化妝, 古銅妝, color theory, 畫插圖同埋set頭, Part C教舞台妝, 噴槍妝, 面/身繪畫等.

Part A新娘妝考試 - 衫, 首飾, 頭飾都要自己準備

Part B唱片封套造型考試 - 自選一個造型跟住化得盡量神似.

整個假髮時有D狼狽, 因為要即席剪髮

一半課堂由Gary Chung教, 其他就Eleena負責. 每堂頭45分鐘會講解+示範, 其餘時間同學要搵朋友做model化返同一個妝, 最後再俾老師comment.  同學可以book時間返學校練妝, 由學校職員幫手睇個妝有冇改善地方. 表現好有機會out-job, 不過唔多.  每一part都有考試, 由學校搵model俾同學化指定主題嘅妝, 再由攝影師拍低照片, 曬好相老師會俾分, 之後同學可以拎返相片soft copy, 1張8F相(由學校揀), cert及reference letter. 雖然話就話係考試, 老師都會幫下眼, 幫你check完先影相. 我畢咗業3個多月, Part A及B的相已ready, 不過Part C重未有.

每Part都有一張cert, reference letter(有埋grade)同埋考試d相

學費一d都唔平, 要$40,000, 可以揀12個月分期付款.  其實香港都有好幾間化妝學校, 好多都有試讀, 試清楚係咪適合自己先報. 以下係我覺得Portfolio好及壞嘅地方:

+++++
1. 每人都會有一set免費掃(但竟然冇blush brush)
2. Gary Chung擅於分析輪廓, 好多tips真係唔講唔知, 一講就恍然大悟
3. 學校有提供化妝品(不過有些較舊), 唔駛一開始就買哂所有野
4. 每期exam的相片都影得好好, 可以擺落自己portfolio
5. 學嘅妝好多元化, 又有唔同theme

-----
1. 學費都真係幾貴
2. 上堂有機會遭人串, 並會聽到很多炫耀事蹟
3. 不是每個同學都有outjob機會

Kose Lotion Mask 面膜紙

之前介紹Melvita花水講過lotion mask, 今日就詳細介紹下呢d一粒粒嘅面膜紙.

市面上有好多唔同品牌嘅面膜紙, 用過kose同埋shiseido quality最好, 唔會吸過多嘅toner. 我面大, kose會啱面型d.  所有冇alcohol成份嘅toner都可以用嚟敷面, 可以話係D.I.Y.面膜. 想要唔同效果可以用唔同功效嘅toner, 我常備嘅toner有美白, 消炎, 抗敏, 夏天我特別鍾意用, sheet mask敷完一般會黏笠d, 但lotion mask唔會, 除非用d好潤嘅toner, 敷完好refreshing, 效果亦非常顯著.

未加toner前好細粒好扁, 乾身的

加咗toner後會變軟, 拉開會變成一張sheet mask

好啱面形, 不過面細就會過大, shiseido可能會好d. 敷5-10分鐘.

之後用返平時搽toner後用的skincare

只要用平時用開嘅toner就得, 效果比就咁拍上面好好多, 要有特別效果可以揀以下toner:

美白 - Kose雪肌精/ Kanebo Blanchir Superior White Deep Clear Conditioner
抗敏 - Melvita花水
消炎- Kiehl's calendula herbal extract toner

$35/14粒@Sasa (靚靚冇再入貨喇)

香味極度討好的narciso rodriguez for her body lotion

我一向對護膚品都唔係從一而終(對skincare only, 老公no worry), 就算對住d好鍾意嘅products, 都好想快d試新野. 但當我再一次用哂呢支body lotion, 竟然又係好唔捨得.

narciso rodriguez for her 系列我由香水用起, 每次用親個個都讚香. 香水以麝香為中心香調, 再配合花香, 琥珀及木香, 而呢隻body lotion都有同樣嘅香味, 所以我極為喜歡. 冬天用body cream先夠潤 (個盒好重, 雖然靚但用起唔方便), 夏天用呢隻body lotion就okay喇. 成日喺冷氣地方會抽乾皮膚水份, 搽返d有香味嘅body lotion, 可以滋潤皮膚, 又有淡淡香氣, 好refreshing!

Available at Lane Crawford @around$300. 有時會有set, 買香水送lotion或買lotion送香水.

微針美容隨時染愛滋 消委會：勿愛靚唔愛命

微針治療近年熱爆美容界，製造商聲稱把微針滾輪在面蛋上轉動，暗瘡印與凹凸洞就一掃而空。消委會過去三年接獲 43宗有關投訴，金額涉及 58萬元，最少 10宗涉及微針治療不良反應，甚至傷及真皮層。該會警告消費者，微針使用不當容易導致皮膚炎留下疤痕，甚至感染肝炎、愛滋病等傳染病，呼籲市民切勿自行購買微針工具。

最新一期《選擇》月刊指出，消委會微針不良反應投訴包括痕癢紅腫、暗瘡惡化甚至皮膚炎。投訴人 A小姐花 1.36萬到美容院購買 20次微針護理療程，接受首次療程後面部腫脹，第二次療程後同樣不適，求診才發現微針或傷及真皮層導致毛囊發炎。美容院不肯退款， A小姐訴諸法庭獲判 9,500元賠償。

微針治療投訴呈上升趨勢

消委會總幹事劉燕卿表示，去年接獲九宗微針治療投訴，今年首七個月接獲七宗，有上升趨勢。市面部份微針聲稱獲美國食物及藥物管理局（ FDA）認證，但只是確認其生產工序達標，與療效並不相關，「微針係入侵性治療，標榜安全可靠、冇永久性創傷並唔正確。」劉強調消費者有權要求美容院退款或改用其他療程。她又引述海關稱，已要求有關微針產品附加中英文警告標籤，提醒市民使用前適當消毒。

消委會宣傳及社區關係小組委員梁光漢說，微針供應商聲稱以酒精或熱水冲洗微針就能消毒並不真確，須使用焗爐等特別消毒儀器才能翻用，「愛靚唔愛命，唔係咁明智。」《選擇》月刊引述香港大學感染及傳染病中心總監何栢良稱，不鼓勵市民使用微針，皮膚大面積嚴重發炎或留有永久疤痕。

醫學會會董、皮膚科專科醫生陳厚毅向本報表示，過去一年家用微針工具越來越受歡迎，病人通常在網上購買，「買一個，全家一齊碌。有個病人碌咗一年冇乜效，個碌生晒銹，唔發炎算好彩。」

陳厚毅解釋，家用微針一般長度僅 0.1至 0.2毫米，並無消除暗瘡印功效；針頭經多次使用變鈍，更成為細菌溫床。皮膚科醫生使用的微針長達一至兩毫米，才能深入皮層刺激骨膠原增生，「一碌就成面血，所以消毒功夫要做到足，甚至食定抗生素防止發炎。」

Source: http://hk.apple.nextmedia.com/template/apple/art_main.php?iss_id=20110816&sec_id=4104&subsec_id=11867&art_id=15527890

多用途的假眼睫毛膠水

朝早畫好條眉, 好容易會俾汗水, 頭髮(尤其係齊/斜陰)等, 整到甩哂色, 或者塌落嚟, 眉"dup""dup", 好唔精神. 假眼睫毛膠水除咗用嚟痴假眼睫毛, 重可以令眉毛貼貼服服, 條眉可以keep足成日. 高低眉亦可以用呢個方法將低眉"蠟"高d, 盡量balance返眉形.

如果有用開假眼睫毛膠水, 你用返平時用開果隻就得. 我用dolly wink, 筆型極細, 好易上手.

好鍾意dolly wink嘅包裝, 粉紅+ribbon

掃頭夠細, 易用方便

未用前d眉毛"dup"哂落嚟

就算眉毛塌哂落嚟, 只需點些少假眼睫毛膠水上眉, 用手指輕輕推返靚個眉形就得, 乾咗會變透明, 好long-lasting架. 雖然好多修眉師傅會幫你剪短過長的眉毛, 不過我個人經驗, 剪短咗嘅眉毛生返長少少就會東歪西倒, 好唔整齊.

 

 沾假眼睫毛膠水上眉毛, 再將d眉毛黏去其他眉毛上面, 唔係黏落皮膚呀

好快就靚哂架喇

Koji Dolly Wink Eyelash Fix $79@Sasa

B. yourself Make-up Pouch by agnes b

之前5月頭去韓國, 喺機上見到有呢款集bb cream, 紅莓閃亮水潤唇彩, 完美和諧琥珀彩妝盒, 標緻黑色眼線筆同埋化妝袋嘅set, 即刻急不及待買咗, 事隔3個月, 終於拎佢出嚟玩下.

BB Cream - 6合1 function, 有SPF20 PA++ 防曬, 保濕, 遮瑕, 抗老 (firming & radiance), make up base同粉底, 用1支就搞掂, 好方便. 質地非常水潤, 用少少就推勻全面.

紅莓閃亮水潤唇彩 - berry pink夠百搭,  色又靚

完美和諧琥珀彩妝盒 - earth tone非常易handle, 上色度不俗

標緻黑色眼線筆 - 好易畫, 用嘅時候向右轉就得, 斜面設計畫粗幼都得.  防水ok, 不過防油就爭d

agnes b的化妝品一向口碑不錯, 呢set只不過係$520, 有哂咁多野, 重送埋化妝袋, 勁抵, 係CX Group獨家, 搭飛機記住留意下.

Kanebo Freshel Moist Lift Make Up Base Cover

Kanebo嘅化妝品一向深得我歡心, 不論counter或者開架貨都好得. 呢支Make Up Base Cover我都唔記得用到第幾支, 對我呢d貪新忘舊嘅人嚟講真係好難得架, 尤其係當佢出咗幾年我宜家都仲有用緊!

咁佢有咩優點吸引我呢?

- 改善暗啞膚色
- 修飾毛孔, 有coverage但唔厚 (不過obvious那些就不要懶, 用concealer吧)
- 控油但唔乾, 很matt
- 質地易推, 求其搽都好均勻
- 用咗粉底唔會氧化, 重好long-lasting
- 平!!!

creamy質地, 不過唔油架, 重有防曬SPF22 PA++

要快速上妝嘅話, 用呢類有coverage嘅base, 唔駛搽濕粉, 上完concealer直接用碎粉或pressed powder, 快捷方便.

未上乾粉已經很matt, love it so much!!!

不過佢都有個缺點, 就係難買咗d, 大間watsons先有 (留意那些開架, 見到有Kanebo就去望下), 之前colourmix都有, 宜家好似唔見. 我去旺角雅蘭中心附近那間watsons買, 地下那層.

Watsons $66 / 25g

點樣踢走暗瘡 (護膚篇)

睇醫生食藥外, 都要用適當嘅skincare護膚, 可能我勤力敷mask及一絲不苟地用齊唔同function嘅護膚品, 劫後嘅疤痕並唔多.

出暗瘡嘅幾年間用過無數暗瘡肌產品, kiehl's, menard, shiseido, fancl, clinique, origins, jurlique, dermalogica, neostrata, caudalie, h2o, dr. hauschka, sofina, sk-ii, body shop, dhc, haba, sothys, paula's choice...真係邊個品牌一出新暗瘡用品就買, 香港冇都搵人喺外國買, 試過有次俾online seller呃, 諗起都一殼眼淚.

以下係值得推介嘅產品:

Acne-aid Liquid Cleanser (藥房約$60)

溫和但洗得乾淨的潔面奶. 最怕用到塊面乾哂嘅洗面, 呢隻真係good

(photo from Stiefel's website)

 Sebamed施巴淨膚潔面泡 (藥房約$80)

唔鍾意用潔面奶可以用呢個, 用咗明顯見到暗瘡謝得快d

(photo from Sebamed's website)

 Kiehl's 金盞花植物化妝水 (有唔同size, 細size 125ml約$200)

用cotton pad敷暗瘡位, 可以令暗瘡冇咁紅腫, 或者當toner用

反而人人讚嘅Menard Beauness對我冇用

(photo from Kiehl's website)

 Body Shop Tea Tree Blemish Gel (約$70)

以為係天然茶樹成份唔會有抗藥問題, 不過用咗2支就冇效. 開頭真係好work

(photo from Body Shop's website)

Dalacin T暗瘡水 (藥房約$80)

開頭用好有效, 如果唔係成日出暗瘡可以買支看門口, 不過有抗生素成份

因為事隔一段時間, 有D產品冇再出喇, 包括Kiehl's drawing paste同埋Eve Lom blemish treatment, 佢地係我用過最強嘅暗瘡膏.  美白方面, Sofina同Shiseido嘅whitening essence都好好, 唔會令暗瘡惡化但去印快d, 果時我2支輪住用.

點樣踢走暗瘡 (醫生篇)

暗瘡真係令人好煩惱, 尤其係佢無啦啦嚟突襲你, 真係一d還手之力都冇. 我曾經試過同暗瘡苦戰4年之久...重要係嚴重果隻!!! 那段時期塊面真係慘不忍睹.

青春期嘅時候皮膚屬混合性, 膚質唔好但都唔差, 不過到20歲左右塊面變到好油, 重一發不可收恰咁爆瘡, 全部都係大大粒好痛果隻, 未好返又再出, 出咗好耐都唔退, 又多"la".  那時真係好depressed, 最怕係個個見到你話"皮膚差咗喎, 唔夠瞓呀", "d暗瘡好勁喎", "點解好似又差咗嘅", "係咪食得熱氣野多呀"...成日唔想見人. 睇返果時d相, 真係唔認得自己!!!

左圖: 第一次睇下文提及嘅皮膚醫生二影嘅, 唔係最嚴重嘅時期.

我並非素顏, 搽哂粉同concealer, 不過都遮唔到爛面.

右圖: 宜家雖然唔係皮光肉滑, 但起碼唔化妝都唔會嚇人.

4年入面我都有睇醫生, 等我總結一下醫暗瘡嘅過程:

1. 食抗生素: 食咗一個療程, 約4個月. 呢個係治標唔治本嘅方法, 因為淨係有消炎作用, 根治唔到. 不過抗生素對我零作用, 一d都冇好到.

2. 食避孕藥Diane35: 呢隻避孕藥抗雄激素, 好多人試過都有效, 我食咗半年, 又係全無作用.

3. 中醫: 睇咗2年共3個醫生, 雖然長時間但諗住中醫可調理身體, 戒哂口點知都唔work.

中醫一 (屋企附近嘅街坊中醫) - 醫生話我身體差, 貧血, 所以誘發咗暗瘡出嚟, 要食d補嘅藥 (呢個reason真係第一次聽). 食咗藥9個月, 抵抗力好咗好多, 少咗好多傷風感冒, 但暗瘡依舊.

中醫二 (浸大中醫) - 壹週講到個醫生好勁, 一定要試啦. 佢係中藥 + 針灸雙管齊下, 幾十支針咭係面度, 頭頂都有, 重俾埋中藥面膜. 好貴, 成$200幾一次, 但睇咗一段時間, 朋友竟然話我多咗暗瘡!

中醫三 (港大中醫) - 睇咗年幾中醫都唔好, 再試埋最後呢個啦...都睇咗幾個月, 又係一樣.

4. 皮膚醫生: 好hopeless的情況下終於又要回歸西醫

醫生一 - 個醫生好出名醫暗瘡, 所以那時好多人排隊要排到出門口我都堅持去睇. 佢開抗生素同一支粉紅色mask, 又叫你買某隻洗面同埋暗瘡水. 究竟我d暗瘡點解咁頑強, 完全冇料到.

醫生二 - 就係呢個醫生令我好返...其實我唔應該話係個醫生, 係d藥先啱. 佢開俾我嘅暗瘡藥係roaccutane保膚靈. Roaccutane將所有油脂線收哂, 令油脂唔會堵塞毛孔, 毛囊冇機會發炎. 一早已知有呢隻藥, 但d副作用實在令人卻步, 包括: 容易曬傷, 傷肝 (要定期驗血及不可飲酒), 生育有1/4機會生畸胎 (食藥時期懷孕), 抑鬱症致自殺傾向.    

當時出咗暗瘡都3年幾, 一路冇好轉, 所以決定食Roaccutane, 食之前要簽紙, 好誇張. Dosage要睇體重, 我食20mg約大半年. 隻藥簡直係仙丹, 食咗3星期就退哂暗瘡 (睇上圖就知當時d暗瘡有幾嚴重), 到2個月到就連"la"都冇, 好犀利. 好幸運冇咩副作用喺我身上發生, 冇抑鬱重好開心添, 因為好得好快, 皮膚冇油但唔乾, 用所有skincare/cosmetics都好好效果. 但有d人會食到皮膚好乾, 皺哂皮, 不過我又冇喎.

如是者真係搞咗4年先好返哂, 雖然成副身家用哂喺醫生度, 毛孔粗哂, 但冇又紅又腫嘅暗瘡已經好開心, 冇留低火山洞亦非常感恩.