有機護膚 - Julisis Silver Night Series液態銀

唔知大家會唔會對Julisis陌生呢? Julisis係Beyond Organic其中一個有機品牌, 主要分金同銀兩個系列分早晚用. 我準備介紹嘅液態銀就係晚間修護.

透過古老的煉金技術, Julisis研究出使用液態金誘發及活化肌膚的原始力量, 作為日間的保護準備; 同時透過使用液態銀於晚間一整夜為肌膚進行排毒, 緊緻及修護.

Julisis完全不含任何綜合化學成分, 所採用的植物為最優秀等級的藥用植物, 全人手栽種, 大部份更源自擁有百多年歷史, 位處海拔700米、意大利阿爾卑斯山脈旁的有機花園. 完全不含礦物油 (矽, 石蠟, 微晶蠟), 烷基硫酸鹽(SLS) , 人造防腐劑 (Ethyl-, Propyl-, Butyl-, Methylparaben) 及人造香料, 果酸 (PEG) 及硫酸鹽. 100% 天然純正. 敏感皮膚都非常啱用, 冇化學物質及有害身體成份, 用得絕對放心.

有機護膚品我都係今年先開始用, 對佢"無化學成分"極其鍾愛. 試過好幾個牌子, Julisis嘅產品最正, 但亦都最貴. 我都算捨得買skincare, 不過買完Julisis真係好肉赤, 因為essense+cream要over$4,600, 大概用到三個月.

silver elexir night 夜間精華 (上圖左), 每晚於潔面後塗1-2滴至面部及頸部, 好快就吸收哂, 之後再用silver cream night晚霜 (上圖右), 蘊含番紅花、聖約翰草、蜂蠟及Julisis液態銀精華, 質地較rich, 不油不膩, 感覺滋潤.

用左三個月, 差唔多用哂喇, 皮膚好左好多, 有彈性之餘, 面色通透咗, 脫皮的地方唔再脫皮, 充滿水份, 好飽滿, 唔化妝嘅時候, 面色好明顯係bright咗, 冇之前咁黃. 佢哋兩支產品聲稱有以下效果:

"增強肌膚的排毒過程, 幫助肌膚放鬆及進行修復, 可幫助保持肌膚的彈性, 更有助促進肌膚晚間更生過程, 幫助調和疲乏肌膚, 減淡細紋並令肌膚更緊緻, 並具鎮靜及豐潤效能."

我覺得名副其實, 真係做到哂. 如果你問我會唔會再用, 我一定會. 不過$$都係一個concern, 所以一年買一次到啦.

Beyond Organic
silver elexir night 夜間精華 $2,395
silver cream night 晚霜 $2,265

重試左Julisis sun emulsion, 同埋beyond organic另一品牌amala hydrating yogurt mask, 磨砂等產品, 遲d再介紹.

幼滑粉餅

粉餅亦即Powder compact, 壓縮左既密粉是也. 呢隻SANA出既Covercom SPF50防曬粉餅, 粉質幼滑, 遮瑕度又不俗, 連鼻上既粗毛孔都可以可以隱形, 重防水防汗架. 加上個粉本身有輕微閃粉, 令到膚色更明亮.

甜美的桃紅色粉盒很吸引呢! (圖片於莎莎網下載)

用法有幾個:
1. 定妝: 上左濕粉後可用掃打圈取粉, 薄薄一層已可定妝控油
2. 單用:  按需要搽make up base, 再用附上既粉撲輕輕印上. 切忌貪心, 如要高coverage逐少加上, 一次過攞多左粉會好易變成粉樣
3. 補妝:  用紙巾印去面油, 噴一噴補濕spray或toner, 用掃或粉撲薄薄上一層

以上3個用法, 我覺得補妝效果最正, 因為呢隻粉係控油既, 當面有少少油分, 個妝會更貼更靚. 較易出油既皮膚, 鼻/T位出左油印一印再上粉, 效果最perfect呢!

顏色方面, 有01-03, 我較白用01, 自然色用02-03. 其實佢都有出粉條, coverage高d, 不過佢01色冇powder compact咁淺色, 我唔啱用呢, 但效果都好好架.

 呢個粉餅又貼又滑, 最緊要係抵用.

莎莎及city'super有售, $98, city'super有tester試.

眼妝 (橙啡tone)

眼妝可以很簡單, 亦可以很複雜, 平時返工出街簡簡單單都可以很sharp, 只需5分鐘就得喇.
今日呢個眼妝用左Lavshuca OR-1, 呢個牌子除左make up base, eye shadow都好得, 又易blend開, 又long lasting, 好多色都唔錯架.

 1. 首先用2號珊瑚色塗滿眼蓋位置

 2. 用3號淺啡色由眼線位置向外推開至整個半圓的眼球位

 3. 雙眼皮位塗滿4號深啡色

 4. 眉骨掃上1號色, 再畫眼線及搽mascara 

眼仔精靈很多呢, 對比下尤其明顯

屈臣氏及colourmix都有得賣, 重可以試色添, $98

清黑頭孖寶

黑頭真係非常癡纏, 清完好快就有, 所以真係要勤力地處理呢d頑固既污垢.

要徹底清黑頭要打孖上, 用哂下圖2支Pore's Care出品既去黑頭產品.





1. 先用上圖左既Pore's Care黑頭啫喱, 用指尖按摩有黑頭既地方, 等3分鐘洗乾淨.
用既時候會熱熱地, 令毛孔擴張, 將黑頭浮哂上面.



2. 之後可以用黑頭貼或Peel-off mask痴d黑頭出黎. 不過我皮膚薄, 唔可以成日用呢類產品. 所以用Pore's Care Cleanser Pack當面膜敷2-3分鐘, 會有涼浸浸既感覺,
之後用水洗淨.  Cleanser Pack有摩洛哥火山熔岩泥成份, 重有磨沙粒子,
可以吸走油脂污垢. 敷完基本上都清左6-7成黑頭, 光滑好多.

3. 想徹底既話, 可以輕輕用黑頭針扁平那邊按埋d黑頭出黎. 睇下!!!真係既興奮又感動! 呢個動作一定唔可以大力, 會整傷d皮膚. 最後用化妝棉滴少少消炎toner敷返清黑頭既地方.

黑頭啫喱 $59
Cleanser Pack $65

莎莎有售

Lavshuca遮毛孔BASE

早年既嚴重暗瘡雖然冇留低凹凸洞, 不過D毛孔就粗大左好多. 試左好多唔同既遮毛孔產品, Lavshuca Make Up Base Pore Concealing係其中一款滿意嘅底霜. 佢含有透明質酸及蘆薈等成份, 收毛孔之餘重有消炎作用, 重可以控油添.

SPF24PA++, $78 (屈臣氏及Colourmix)

質地好滑, 好易推開



未搽前毛孔明顯

只搽了薄薄一層就有如此效果了. 遮左大部分毛孔, 膚色重均勻左, 分別很明顯吧.
面部冇其他瑕疵嘅, 上層碎粉就搞掂.

基本上此Make up base單用也可以, 不過較適合淺膚色, 蜜糖肌者可能會嫌偏白.

平價防皺眼霜

由於眼部周邊的皮膚較薄弱, 加上紫外線的影響, 同埋平時帶CON, 畫眼線, 摔眼等等, 都會拉扯到眼部皮膚, 會加快眼紋形成. 早2年見到消委會一個EYE CREAM測試, 當中介紹到Nivea Q10 Anti-wrinkle眼霜, 話去皺功效可媲美甚至超越某些大牌子. 試過之後, 眼尾既細紋冇左, 效果理想, 滋潤程度真係同我最愛既IPSA On The Peak及La Colline有得揮.

事實上, 呢隻眼霜有天然輔酵素Q10, 可以從底部對抗皺紋, 重有對抗UVA/UVB配方, 不含香料, 15ML只不過係$159, 平靚正之選. 不過呢, 由於呢隻係對付眼紋, 易出油脂粒就唔適合架喇.

順帶一提, 搽Eye cream時, 應用無名指由外眼角向內眼角細細力咁點上去, 加輕力按摩, 唔好大力拉扯呀, 到時用多多眼霜都補唔返.  用呢隻Nivea, 一細粒綠豆份量就okay喇.

超強落妝GEL

護膚最基本當然係一張乾淨的臉. 化左妝, 塗左BB Cream或防曬都要用落妝用品洗一次, 再用普通洗面雙重清潔, 尤其係香港既空氣咁多灰塵, 洗面絕對唔可以懶.

潔面油Cleansing oil雖然可卸掉濃妝, 但那油淋淋既質感就唔係個個都頂得順. 以下介紹既呢隻落妝GEL連防水mascara都洗得甩, 雖然佢寫住係Eye make-up remover, 不過我就全面用, 洗完爽得黎一D都唔乾. 最緊要係平!!!  莎莎同卓悅都有得賣, $70有找.