點樣踢走暗瘡 (護膚篇)

睇醫生食藥外, 都要用適當嘅skincare護膚, 可能我勤力敷mask及一絲不苟地用齊唔同function嘅護膚品, 劫後嘅疤痕並唔多.

出暗瘡嘅幾年間用過無數暗瘡肌產品, kiehl's, menard, shiseido, fancl, clinique, origins, jurlique, dermalogica, neostrata, caudalie, h2o, dr. hauschka, sofina, sk-ii, body shop, dhc, haba, sothys, paula's choice...真係邊個品牌一出新暗瘡用品就買, 香港冇都搵人喺外國買, 試過有次俾online seller呃, 諗起都一殼眼淚.

以下係值得推介嘅產品:

Acne-aid Liquid Cleanser (藥房約$60)

溫和但洗得乾淨的潔面奶. 最怕用到塊面乾哂嘅洗面, 呢隻真係good

(photo from Stiefel's website)

 Sebamed施巴淨膚潔面泡 (藥房約$80)

唔鍾意用潔面奶可以用呢個, 用咗明顯見到暗瘡謝得快d

(photo from Sebamed's website)

 Kiehl's 金盞花植物化妝水 (有唔同size, 細size 125ml約$200)

用cotton pad敷暗瘡位, 可以令暗瘡冇咁紅腫, 或者當toner用

反而人人讚嘅Menard Beauness對我冇用

(photo from Kiehl's website)

 Body Shop Tea Tree Blemish Gel (約$70)

以為係天然茶樹成份唔會有抗藥問題, 不過用咗2支就冇效. 開頭真係好work

(photo from Body Shop's website)

Dalacin T暗瘡水 (藥房約$80)

開頭用好有效, 如果唔係成日出暗瘡可以買支看門口, 不過有抗生素成份

因為事隔一段時間, 有D產品冇再出喇, 包括Kiehl's drawing paste同埋Eve Lom blemish treatment, 佢地係我用過最強嘅暗瘡膏.  美白方面, Sofina同Shiseido嘅whitening essence都好好, 唔會令暗瘡惡化但去印快d, 果時我2支輪住用.

點樣踢走暗瘡 (醫生篇)

暗瘡真係令人好煩惱, 尤其係佢無啦啦嚟突襲你, 真係一d還手之力都冇. 我曾經試過同暗瘡苦戰4年之久...重要係嚴重果隻!!! 那段時期塊面真係慘不忍睹.

青春期嘅時候皮膚屬混合性, 膚質唔好但都唔差, 不過到20歲左右塊面變到好油, 重一發不可收恰咁爆瘡, 全部都係大大粒好痛果隻, 未好返又再出, 出咗好耐都唔退, 又多"la".  那時真係好depressed, 最怕係個個見到你話"皮膚差咗喎, 唔夠瞓呀", "d暗瘡好勁喎", "點解好似又差咗嘅", "係咪食得熱氣野多呀"...成日唔想見人. 睇返果時d相, 真係唔認得自己!!!

左圖: 第一次睇下文提及嘅皮膚醫生二影嘅, 唔係最嚴重嘅時期.

我並非素顏, 搽哂粉同concealer, 不過都遮唔到爛面.

右圖: 宜家雖然唔係皮光肉滑, 但起碼唔化妝都唔會嚇人.

4年入面我都有睇醫生, 等我總結一下醫暗瘡嘅過程:

1. 食抗生素: 食咗一個療程, 約4個月. 呢個係治標唔治本嘅方法, 因為淨係有消炎作用, 根治唔到. 不過抗生素對我零作用, 一d都冇好到.

2. 食避孕藥Diane35: 呢隻避孕藥抗雄激素, 好多人試過都有效, 我食咗半年, 又係全無作用.

3. 中醫: 睇咗2年共3個醫生, 雖然長時間但諗住中醫可調理身體, 戒哂口點知都唔work.

中醫一 (屋企附近嘅街坊中醫) - 醫生話我身體差, 貧血, 所以誘發咗暗瘡出嚟, 要食d補嘅藥 (呢個reason真係第一次聽). 食咗藥9個月, 抵抗力好咗好多, 少咗好多傷風感冒, 但暗瘡依舊.

中醫二 (浸大中醫) - 壹週講到個醫生好勁, 一定要試啦. 佢係中藥 + 針灸雙管齊下, 幾十支針咭係面度, 頭頂都有, 重俾埋中藥面膜. 好貴, 成$200幾一次, 但睇咗一段時間, 朋友竟然話我多咗暗瘡!

中醫三 (港大中醫) - 睇咗年幾中醫都唔好, 再試埋最後呢個啦...都睇咗幾個月, 又係一樣.

4. 皮膚醫生: 好hopeless的情況下終於又要回歸西醫

醫生一 - 個醫生好出名醫暗瘡, 所以那時好多人排隊要排到出門口我都堅持去睇. 佢開抗生素同一支粉紅色mask, 又叫你買某隻洗面同埋暗瘡水. 究竟我d暗瘡點解咁頑強, 完全冇料到.

醫生二 - 就係呢個醫生令我好返...其實我唔應該話係個醫生, 係d藥先啱. 佢開俾我嘅暗瘡藥係roaccutane保膚靈. Roaccutane將所有油脂線收哂, 令油脂唔會堵塞毛孔, 毛囊冇機會發炎. 一早已知有呢隻藥, 但d副作用實在令人卻步, 包括: 容易曬傷, 傷肝 (要定期驗血及不可飲酒), 生育有1/4機會生畸胎 (食藥時期懷孕), 抑鬱症致自殺傾向.    

當時出咗暗瘡都3年幾, 一路冇好轉, 所以決定食Roaccutane, 食之前要簽紙, 好誇張. Dosage要睇體重, 我食20mg約大半年. 隻藥簡直係仙丹, 食咗3星期就退哂暗瘡 (睇上圖就知當時d暗瘡有幾嚴重), 到2個月到就連"la"都冇, 好犀利. 好幸運冇咩副作用喺我身上發生, 冇抑鬱重好開心添, 因為好得好快, 皮膚冇油但唔乾, 用所有skincare/cosmetics都好好效果. 但有d人會食到皮膚好乾, 皺哂皮, 不過我又冇喎.

如是者真係搞咗4年先好返哂, 雖然成副身家用哂喺醫生度, 毛孔粗哂, 但冇又紅又腫嘅暗瘡已經好開心, 冇留低火山洞亦非常感恩.

Nude妝必備- Kiss Me Heavy Rotation Enamel Gloss

Kiss Me Heavy Rotation Enamel Gloss 有4隻色, 我買咗03, 04嘅Berry同Honey, 比起01, 02深, 啱哂我呢d pale面色人, 唔會太淡令個樣唔精神.

左04 Honey, 右03 Berry

用嘅時候轉向Open果邊, 之後輕按支tube, lip gloss會慢慢出嚟.

用完轉返去Close方向

03 Berry

04 Honey

Lip gloss質地較厚, 好實色, 可以cover本身嘅唇色, 效果立體, 又夠哂潤 (因含椰油同澳洲核桃油), 搽上去聞到陣陣椰油香. 除咗nude妝, 化smokey eyes襯呢d nude色唇彩最perfect. 如果本身唇色好深, 呢個brand有隻lip concealer可以幫到手, 不過試用咗lip gloss先, 佢都好實色, cover得好好架喇.



好抵用, $49 / 莎莎 (city'super都有, 貴d)

我最常用嘅化妝掃

以上呢幾支掃係我每次化妝嘅必備用具, 可以均勻地將d化妝品擺上面.

(左至右)

1. Bobbi Brown 碎粉掃 - 用掃定妝比用粉撲薄身, 不論係碎粉定係粉餅都適用

2. Sasa 胭脂掃 - 掃毛柔軟, 可以將胭脂blend得均勻

3. Smashbox 眉掃 - 斜角掃方便勾劃出細緻眉形

4. & 5.  百鳳堂眼影掃 - 較大的4可以輕易掃哂整個眼窩位.   小號的5適合掃雙眼皮位甚至係眼球上嘅眼影.  呢個牌子日本先有, 好好用. 平價的話Sasa的都不錯.

6. Bobbi Brown眼線掃 - 專for gel eyeliner, 夠纖細, 可以畫出理想嘅眼線

7. 植村秀遮瑕掃 - 掃頭夠細, 暗瘡印、雀斑都可以遮哂.  眼圈我prefer用手指輕印

8.  Kose眉掃 - 梳順條眉先畫, 眉形整齊兼且容易上色, 唔覺意搽咗落眉嘅粉底可以掃走埋

9.  莎莎睫毛梳+眉掃 - 搽睫毛液黏住咗可以梳返開, 眉掃同上面8功用一樣, 不過毛就硬身d

其實唇掃都好緊要, 因為直接將唇膏或唇彩搽上嘴容易滋生細菌, 不過我少搽lipstick, 平平地就okay, 卓悅莎莎大把choice.

洗掃我會用brush cleanser, 植村秀, M.A.C., Bobbi Brown也有出, 甚至用滴露皂液都得. 洗完用清水過乾淨, 印走水份, 再將掃毛整理貼服, 平放毛巾上面風乾 (唔好心急用風筒吹呀). 如果keep得好, 用10年都好似新一樣.

奇異果真的非常奇異

奇異果之前一路俾我嘅感覺係酸, 肉質又硬硬地, 一d都唔好食. 不過08年開始勁出風癩, 聽中醫講食奇異果有幫助, 就展開咗我同奇異果嘅友誼^^.

唔講唔知, 奇異果除咗有豐富維他命, 增強抵抗力, 又可以幫助消化, 降低血中膽固醇, 加上熱量低, 每日一個就最健康.  奇異果有分綠色同埋黃金色, 營養有些少唔同.

Source: Zespri's Website

兩者比較, 黃金奇異果甜d, 有點提子味. 開頭唔識揀, 成日都買咗d酸嘅, 冇心機食, 要揀d摸落去有d軟身, 外皮帶光澤完整冇缺兼且底部紅紅地色就最靚, 果肉鮮甜腍軟, 有機就重正添, 甜到入心呀, 價錢同普通奇異果差唔多, 超級市場(so far試過marketplace係最甜), jusco, city'super都會有!

奇異果買返去要放入雪櫃, 如果太柔軟又脹大即係唔新鮮, 過熟的會帶有酒香味, 唔食得. 另外, 身體寒底都唔可以食咁多, 會易肚瀉.

曾經超過1年時間日日都出風癩, 睇咗唔同嘅醫生都唔好, 但自從食咗奇異果就少出好多喇, 我真係覺得非常奇異呢!

Jill Stuart Jelly Eye Colors

Jill Stuart係我最愛嘅化妝品牌之一, 包裝吸引, 品質亦非常之好.  其中最鍾情佢嘅Jelly Eye Colors, 香港未有時已經喺日本買, 都試咗成10幾隻色, 每隻色都好易carry. 最好嘅係佢好易blend開, 只要用手指點d eye jelly喺眼蓋, 然後印開就得喇, 閃閃地好靚. 

Jelly Eye 透明感高, 夠貼服同long-lasting

用咗02 gold light, 10 vintage decor (即上圖那2隻色).

就咁睇靚好多, 睇相爭d.

少少閃得嚟一D都唔誇張, 加埋眼線醒神哂

每次用嘅時候, 最好用棉花棒"liu" d Jelly Eye出嚟, 用手指容易滋生細菌. 用好少就夠, 嫌透薄可以搽多層啦, 不過佢唔係實色架, 係透透地+閃亮.

Jill Stuart Jelly Eye Colors $170@

補水收毛孔的SQS高浸透保濕化妝水

之前介紹過清黑頭孖寶, 有朋友問之後應該用咩toner可以鎮靜返皮膚, 我就鍾意用SQS高浸透保濕化妝水. 佢有幾個主要成份:

膠原蛋白及透明質酸 - 高效保濕, 活膚, 誘導組織再生
維生素C - 美白, 抗氧, 促進膠原蛋白增生
絲瓜萃取物- 鎮靜, 消炎, 去暗啞

化妝水係gel狀, 唔駛用化妝棉, 就咁用手搽上面, 一上面就變成水水的, 好快吸收. 透過保濕滋潤乾燥毛孔, 增強鎖水力, 令皮膚回復緊緻彈性, 擊退粗大毛孔, 特別適合毛孔粗糙, 油脂旺盛嘅皮膚. 如果皮膚唔係太乾, 就咁用呢隻化妝水就得, 我有時會用化妝棉厚厚敷喺鼻上, 比起就咁搽效果再顯著d.

city'super $120 (200ml)

灰甲不一定是灰色的

很不幸試過2次出灰甲, 2次都係修甲感染到, 其中一間重係非常出名嘅修甲店. 其實修甲工具單單噴幾噴消毒酒精係殺唔哂d菌, 要浸足幾個鐘先得架, 所以出去修甲真係要自己買一套修甲kit.

好多人都唔知自己出灰甲, 又或者唔知點處理. 試過有次修甲時見個女仔整Gel甲, 原來佢有嚴重灰甲呀, 佢冇去睇醫生, 諗住遮住就算.

灰甲有幾項特徵, 快d睇下自己有冇:

1. 甲面呈現白色 (或黃黃啡啡, 甚至灰黑) - 不一定整塊甲, 可能係細細"達"
2. 指甲變厚, 凹凸不平
3. 剪指甲發現剪出嚟嘅甲脆弱易碎, 好似有d粉狀嘅物體喺指甲
4. 指甲冇哂光澤
5. 嚴重者會甩甲

灰甲係手甲或腳甲感染到真菌而引起, 通常腳甲會common d. 夏天又濕又熱令腳指容易成為真菌繁殖的溫床, 而香港腳或糖尿病患者、經常塗指甲油、多汗或經常長時間接觸水份, 以及著不透氣鞋襪嘅人士也容易患上灰甲. 灰甲會傳染架, 一隻指甲患灰甲, 可以禍及其他健康的指甲, 共用浴室、毛巾、拖鞋等都會將灰甲傳染俾人. 之前睇報紙, 有個男人有灰甲又唔知, 最後spread到去佢下體先發現, 真係得人驚!!!

要睇醫生搵最適合嘅治療方法, 可能係口服, 外塗或者雙管齊下, 宜家甚至有laser treatment, 因為腳甲生得慢, 要搞好耐, laser會快同埋徹底好多, 不過都貴好多呢!

我淨係試過外塗, 第一次醫生開咗Pfizer嘅藥水, 宜家冇出, 佢就俾咗百敵方Batrafen. 首先將d指甲盡量剪短, 磨薄再好似塗甲油咁搽.

一盒有哂藥水, 指甲銼, 消毒酒精棉

有機護膚 - Amala Hydrating Yogurt Mask 及 Face Polish

早前去Beyond Organic除咗買Julisis, 重有Amala Hydrating Yogurt Mask & Face Polish.

Yogurt mask及face polish, 包裝用料環保

Hydrating yogurt mask (保濕乳酪面膜)真係勁正, 成分包括茉莉花、澳洲堅果及野生玫瑰, 薄薄塗一層在面及頸上, 輕輕按摩至面膜溶解喺皮膚 (會變透明). 之後可選擇10分鐘後用溫水洗淨或當overnight mask. 夏天我會prefer洗咗去. 用完好似幫塊面進補咁, 高效補濕滋潤乾燥肌膚, 又軟又滑, 促進細胞更生, 好有光澤,  之前冬天好乾時用佢, 簡直係極品. 佢有2個size, 50ml及150ml, 大支裝抵好多.

很creamy的texture, 好潤, 推開即溶喺皮膚

那次往Beyond Organic購物進貢不少, 所以送咗支hydrating face polish (保濕面部磨沙). 其實我成日都覺得平同貴嘅磨沙功效真係冇咩分別, 不過呢支face polish最可取嘅係佢粒子好幼細, 用嘅時候好舒服, 溫和得嚟又去到死皮, 敏感皮膚就最啱.

粒子好細, 夠哂溫和

 Amala的簡介 (from Beyond Organic's website):

• 全線產品獲得NaTrue 的國際有機認證
• 多項產品經過臨床測試驗證，證實效果顯著
• 生產 Amala 的公司在德國有超過25年製作有機護膚品經驗
• 挑選有機完整植物，不改變植物的原始狀態及獨特的自然功效
• 為每一種植物度身訂造的傳統蒸餾法
• 100%天然成分，挑選有機及野生的草本作材料
• 首創100%天然、用德國有機牛奶提煉的乳化劑
• 不含防腐劑，化學、人造或有機因改造成分
• 採用公平貿易 與超過二十年友好農場夥伴合作， 以銷售利潤的5%支持機耕種發展
• 香味來自100%天然精華油
• 植物源自天然原產地，並不作額外加工程序
• 所有包裝物料採用100%德國製造的環保原料
• 不經動物測試，也不跟用動物測試的夥伴合作

Beyond Organic有售

常塗太陽油 曬傷風險高

蘋果日報 Apple Health: 炎炎夏日, 經常被烈日照射, 多第一時間想起需塗太陽油, 但一項研究發現越常用防曬產品的人, 被曬傷風險越高, 因很多人誤以為塗了防曬產品便可長時間逗留在陽光下, 也有人因忘記塗後頸、背脊及腳掌等易被忽略部位, 導致嚴重曬傷；反而喜穿長袖衫防曬或隨時尋找遮蔭位的人, 曬傷風險較低.

美國一項研究訪問了逾 3,000名參加國家健康及營養調查計劃的成人, 了解他們的防曬心得, 結果發現最多人選擇用防曬產品,  30%表示若在戶外超過一小時便會塗太陽油,  25%會盡量逗留在有遮蔭的地方,  16%戴帽,  6%穿長袖衫. 比較各人去年曬傷情況時, 發現最常用防曬產品的人, 曬傷風險反而較少用防曬產品的人高 23%；常在戶外穿長袖衫或找遮蔭的人, 曬傷風險較少用這些方法的人低 30%.

http://hk.apple.nextmedia.com/template/apple/art_main.php?iss_id=20110718&sec_id=4104&subsec_id=3626368&art_id=15440633&cat_id=13055712

Uniqlo今年出咗防UV嘅衫, Log-on又出咗防曬手袖, 我會防曬 + UV衫 + 到處搵遮蔭. 太陽實在太猛了!

Barrier Repair三重補濕滑肌面膜

話說上星期貪心地厚敷咗peeling mask(人哋明明寫住薄敷!!!), 搞到面部大範圍脫皮...所以走去買面膜 (真的是很好的藉口^^). Barrier Repair係一個不錯的平價日牌, 夠補濕, 不過佢好多產品都適合較乾皮膚.

呢隻補濕面膜有分水潤同極潤, 我買咗水潤, 極潤會適合冬天. 佢含雙效透明質酸, 深層滲透角質, 讓肌膚變得水嫩有彈性. 塊mask有d切口位, 方便緊貼哂成塊面. 洗完面敷5-10分鐘 (乾皮膚就15-20分鐘), 撕下面膜後將留低喺面上嘅美容液推勻, 即時補充大量水分, 我本身脫皮的地方好返好多, 第二朝冇再起皮仔, 好得!

Barrier Repair出咗一款面膜精華導入液配合呢隻mask一齊用, 我冇買到, 相信孖住用效果會更加好.

莎莎/卓悅/屈臣氏 $69/5片 (莎莎有時會有d一塊塊賣, $10, 勁抵)

17款面膜含防腐劑 可引發接觸性皮炎

今日報章報導到一項消費者委員會關於mask嘅報告, 市面 17款面膜驗出可致敏的防腐劑「對羥基苯甲酸酯」, 雖然含量都未超標, 但部份人會對此化學物敏感, 長期使用會引發接觸性皮膚炎.

據《選擇》月刊公佈, 消委會測試市面上 13款睡眠面膜及 17款補濕、滋潤或紓緩面膜, 發現 17個樣本驗出含 5種對羥基苯甲酸酯（ Parabens）防腐劑，包括甲酯、乙酯、丙酯、丁酯及異丁酯，含量由 0.01%至 0.3%不等，而內地標準為單一種對羥基苯甲酸酯，不得大於 0.4% (因香港並無化妝品衞生標準, 故當局一般是按內地《化妝品 衞生規範》來監管), 故樣本都未有超標。

該會宣傳及社區關係小組副主席許樹源說, 這 5種常見的對羥基苯甲酸酯類防腐劑, 毒性不高, 故廣泛用於化妝品, 防止微生物滋生. 不過他說, 對此類防腐劑過敏人士, 應特別留意面膜標籤有否列明含對羥基苯甲酸酯, 因長期使用或會引致接觸性皮膚炎.

不過許樹源強調, 歐盟、美國及內地均准許對羥基苯甲酸酯應用於化妝品, 而且今次產品含量並沒超標, 一般使用問題不大.  至於未檢出對羥基苯甲酸酯的面膜, 也可能用上其他防腐劑, 或採用無菌生產過程.

該會又測試面膜的水銀、鉛及砷等金屬, 均低於上限, 如 Skin Food石榴柔白夜間修護面膜, 含鉛量為 0.079ppm, 但上限為 40ppm；此外, Regene水凝平衡面膜驗出游離甲醛, 含量為 0.02%, 也低於上限的 0.2%.

雪花秀代理商回應消委會稱, 對羥基苯甲酸酯存在於許多天然植物, 並不損害人體, 而產品成份全取自天然草藥, 故製作過程或殘留微量對羥基苯甲酸酯. 其他生產商及供應商均沒回應.

Source: http://hk.apple.nextmedia.com/template/apple/art_main.php?iss_id=20110716&sec_id=4104&subsec_id=11867&art_id=15436858

呵護雙手TIPS

雙手經常接觸其他物件, 又或者濕水同埋用潔手液/洗潔精, 一定要好好保護先keep到又白又滑.

我1年365日都唔需要用hand cream, 但對手都唔會乾, 秘訣在於夜晚臨訓前搽essence同埋cream上塊面嘅時候, 趁喺手嘅essence/cream未俾塊面吸收哂, 即刻用嚟按摩雙手 (記住呢個step之後唔好洗手until第2朝, 如果唔係前功盡廢).  呢個做法我keep咗2年喇, 就算洗完手都唔乾, 冬天都唔駛extra care.

可能你會問, 咁咪即係用貴咗, 用搽面嘅用嚟搽手. 咁當然唔係啦, 因為唔係用d面部精華同cream當hand cream咁搽, 而係趁搽面未吸收哂時益埋雙手only. 好多時搽面都會按摩一陣先吸收哂, 咪當塊面吸收少dd囉.

除此之外, 平時都要護理下對手, 通常塊面做咩, 對手都會一齊做:

1. 磨沙 -  去除死皮同埋促進新陳代謝

2. Mask - 如果係cream mask我會敷埋手, sheet mask多餘嘅精華用嚟按摩手部

你哋都試下丫, 效果好好架!

勁補水的YSL Hydra Feel Fresh Hydrating Water Gel

夏天開冷氣成日抽乾哂皮膚嘅水份, 搽滋潤嘅cream又會太"lup", 甚至出油脂粒, 用gel cream就啱哂, 特別係香港又濕又熱嘅天氣.

YSL Hydra Feel系列主打保水, 而Fresh Hydrating Water Gel係一隻creamy既gel, 好快吸收, 補充肌膚水分同埋維持肌膚水分平衡, feel到塊面柔軟、水潤, 但完全唔"lup", 夏天用就最啱. 適合中性至混合性皮膚.

有埋支棒棒跟埋, 好細心

就咁睇好似豆腐花, 不過個texture其實係cream狀嘅gel

$440 / 50 ml (可以留意下set裝, 會送埋eye mask, 磨沙等等, 抵好多)

有機護膚- Melvita花水

MELVITA係一個來自法國嘅有機品牌, 有成20幾年歷史. 早排見佢出咗勁多AD promote花水, 所以就走去買咗2支試下. Melvita花水係透過蒸餾法萃取, 可以舒緩及更新肌膚, 我會當toner用, 或者lotion mask. 成塊面敷lotion mask功效較顯著, 不過會好快用哂, 用化妝棉局部敷會化算d.

買2支大送1支細. 中間係矢車菊, 因為係for敷眼所以冇噴嘴.

由於啱啱先用完2支玫瑰花水(Chantecaille嘅王牌), 所以就冇買玫瑰, 買咗橙花水同埋矢車菊花水, 送咗支細嘅金縷梅花水. 橙花水氣味好fresh, 可以為肌膚補充水份, 有效軟膚及抗敏. 我有時會用lotion mask, 有時就咁噴濕化妝棉局部敷面, 抗紅之餘又補濕.  橙花重有天然嘅美白功效, 不過我用咗冇耐, 暫時唔覺. 矢車菊對眼部護理特別有效, 可以活化眼部肌膚, 舒緩眼部疲累同去紋去眼袋.  用嚟敷眼勁soothing, 即刻冇咗眼腫,  眼袋及黑眼圈好似冇咩分別, 可能要用耐d先有效.

呢d 粒粒lotion mask加花水變成sheet mask, 好正架. D不知名牌子會吸太多水好嘥,

kose同shiseido好好用, $30幾蚊有12-15粒. 面闊就kose好d,

不過呢期冇貨我就用住shiseido先, 莎莎/卓悅/靚靚都有.

金縷梅花水我都試咗, 佢有淨化、緊膚及收細毛孔的效用, 對非常乾燥及敏感肌膚尤其有效. 上星期塊面冇啦啦紅咗幾'達', 我即時用佢嚟敷咗2邊面, 10分鐘就冇事, 好堅!

花水各$210, 買2支有9折

夏日粉底推介: Shiseido Perfect Refining Foundation & Translucent Pressed Powder

夏天汗多油多, 要搵隻粉底夠long-lasting, 又唔會變暗先掂. 之前就俾Shiseido Perfect Refining 呢隻粉底"15小時持久水凝妝效"呢句介紹吸引到. 試咗約一個月, 雖然未至於keep到15小時咁勁, 不過真係出咗面油都唔變色, 就算出汗印走d粉, 睇落仍然柔滑細緻.

粉底質地有d creamy, 用一粒黃豆份量就夠, 好易推開, 不過好快乾, 搽嘅時侯要快手少少 (如果一時失手, 可以噴濕個sponge搽返勻). 遮瑕度中等, 可以修飾粗糙膚質, 唔太大嘅毛孔同埋輕微嘅暗瘡印都cover到, 最好係佢質感輕盈, 又控到油但又唔乾, 好matt, 適合中性及混合性肌膚使用.

上完Shiseido Perfect Refining Foundation就用透明蜜粉餅Translucent Pressed Powder, 可以定妝或補妝用, 佢蘊含吸油粉末, 可以去除多餘皮脂, 防止脫妝, 令妝容成日都好smooth.

Shiseido Perfect Refining Foundation $350
Translucent Pressed Powder $250

Lucido-L Hair Treatment Essence 透明質酸美髮精華液

頭髮經常受風筒熱力、染髮/電髮或負離子等傷害, 會變得軟弱, 加上先天不足, 我髮尾部份很乾及容易開叉, 成日頭髮蓬鬆. Lucido-L Hair Treatment Essence配合咗高分子和低分子兩種不同大小的透明質酸, 徹底滋潤乾燥受損頭髮, 並且喺頭髮表面形成保護膜, 令頭髮柔軟順滑.

(圖片喺Lucido-L網下載)

很喜歡呢支essence嘅香味, 佢質地係乳液狀, 可以滋潤頭髮但不黏膩. 搽咗先吹頭, 頭髮會順好多, 冇咁易打kick.

唔搽野直接吹頭, 頭髮會旱d, 冇咁貼服, 很易打kick

搽咗先吹頭, 滋潤兼且順滑得多

用法: 洗髮後用毛巾抹乾水份, 取適當份量塗抹髮尾及頭髮較乾部份, 然後用風筒吹乾 (我頭髮過肩用約2 pump)

萬寜及屈臣氏有售 $59

好好用嘅粉撲

今日介紹嘅粉撲係濕粉用, 亦可以用嚟搽bb cream或者make up base. 雖然有時貪方便會用手指上粉, 不過始終都係用粉撲會均勻同透薄d.

呢隻粉撲係梯型, 方便塗抹眼角及鼻翼等位置, 柔軟度適中, 使用時肌膚的舒適感倍增, 加上容易沾粉, 令粉底上得貼服自然。

使用提示: 每次化妝時都應使用粉撲乾淨的一面, 才能保證妝面貼服. 洗粉撲可以用吉之島$10店嘅洗粉撲液, 洗得好乾淨, 新嘅一樣呀, 不過洗多幾次, 就換過新一塊啦.

卓悅有售
$19 / 30塊

搽咗白裡透紅嘅防曬 - Chanel White Essentiel

宜家夏天一年熱過一年, 重要勁猛太陽, 曬一陣都黑咗成個tone, 黑都唔係最大件事, 紫外線會傷害皮膚先最緊要, 不單提早老化, 皮膚變粗糙, 重會色素沉澱, 毛細血管擴張, 所以每日都要搽防曬, 保護脆弱嘅皮膚.

我試過有次去outing, 因為有雷暴警告諗住唔駛搽防曬, 咁啱下午有陽光嘅時候坐船坐左1個鐘, 其中一邊手就曬傷咗, 重乾睜睜, 返到屋企即刻敷mask, 果d平時敷15分鐘嘅mask, 5分鐘已經乾哂, 如是者我敷咗幾片先好d.  隻手當然曬黑咗, 黑咗幾個tone添, 成1年有多先退色. 你話紫外線幾大殺傷力!

Chanel White Essentiel 系列含維他命 C 衍生物及甘草根萃取, 有助減少紫外線傷害肌膚, 並有助控制色斑增生. 配合擴散光線複合物折射光線和散射光線, 令肌色均勻明亮. 呢隻防曬同時都係make up base, 不過我多數單用, 佢有3 個色調, 最鍾意佢有防曬又可以tone up膚色, 爽身之餘, 重有少少控油效果.

質地非常水潤, 好易推開

我用#Rosee, 適合較白皮膚, 搽咗面色非常靚. 黃色#Mimosa令暗啞、欠缺光澤的膚色即時變得明亮動人. 藍色#Azur, 能平伏臉上疲倦的痕跡, 誘發出白皙亮麗嘅膚色.



Chanel White Essentiel Whitening Modeling Effect Base SPF 30/PA+++
$385

Shopping @ Shiseido (Jul 2011)

Shiseido嘅sales真係非常勤力, 成日打嚟推介新產品, 又會送修眉/化妝/facial等service, 難怪counter成日人頭湧湧. 上星期就去咗試化妝服務, 順便買下野咁.

之前用過Maquillage Eyes Creater (3D)眼影, 覺得唔錯, 所以今次再試咗另一個色, 綠綠地好Fresh, 啱哂夏天, 加埋佢隻Full Vision Mascara Brilliant Glitter睫毛液, 睫毛根根分明, 好正. 另外重買咗lip treatment, 滋潤得嚟可以減淡唇紋.

如果想學簡單嘅化妝步驟, sales都會教埋你, 重會recommend適合你既底妝及化妝同品, 本身sales重介紹咗隻make up base (sherbet base), 上年出架喇, 唔係新貨, 搽上面涼浸浸嘅, 不過全線冇貨.

買夠$800有禮物送, 包括美白面膜 (White lucent brightening mask), 美白洗面膏 (30ml), Anessa spf32防哂 (12g)同埋去水腫嘅body cream (45ml). 重送咗幾支samples.

呢個妝用左Shiseido Perfect Refining Foundation, Translucent Pressed Powder (都係今年新出, 遲d介紹), Maquillage Eyes Creater (3D) GR368, Maquillage Full Vision Mascara Brilliant Glitter (Blue Black).

你有冇試過出唇瘡?

唇瘡一年起碼搵我一次, 個嘴唇腫起一大"達", 好樣衰, 重要成個幾禮拜先好返.  一出過唇瘡, 佢就會永遠記住你, 仲耐唔耐返嚟搵你, 極度討厭的,  究竟唇瘡係點形成呢?

具有高度傳染性的唇瘡, 係通過單純疱疹一型病毒而傳染. 唇瘡爆發分幾個階段, 開頭會覺得好痕, 長出三數粒小水泡, 之後水泡數量倍增, 一團一團聚結而生. 之後, 水泡會爆, 流d水出嚟 (果d"水"傳染性極高, 小心!), 傷口會潰爛, 再慢慢結焦同變乾, 有時乾到流血, 約10日左右患處會慢慢縮細.

出咗唇瘡就要好好處理, 因為好易傳染人, 只係輕輕掂下就有機會傳染到, 又或者患者摸下自己嘅唇瘡再接觸其他部位都會惹到. 嘴唇, 鼻孔, 眼皮邊緣都係較常出現唇瘡嘅地方.

只要曾經出現唇瘡, 病毒就會潛伏身體的神經線, 當身體免疫力軟弱時, 如傷風感冒、精神疲勞，壓力大、睡眠不足及曬太陽後等, 病毒就會活躍, 再次令感染復發. 我發現有時食完熱氣野都會好易出.  我一見有水泡, 就會搽唇瘡專用嘅lip balm, 再加埋抗病毒唇瘡藥膏一齊用.

上面果支係Blistex嘅lip balm, 搽咗有冰涼嘅感覺, 令患處冇咁痕 (卓悅, 莎莎, 萬寧, 屈臣氏都有)

下面果支藥膏, 得2g就要成$100 (萬寧要$120), 不過好勁, 我開頭用1日就好番, 但用得多抗藥性 (都用左成20年!!!), 要起碼3日先開始退少少. 有d藥房sell我買其他牌子, 話成份一樣, 我試過, 都唔得嘅...但我唔知係咪好多藥廠都有出呢個成份嘅藥膏, 可能有d係okay嘅都未定.

最近發現, 食奇異果有幫助呀, 可能因為增強抵抗力啦, 搽藥膏加食奇異果, 第2日就會爆水泡...快好多呢!!!

Mangosteen 山竹精華 Peeling Gel

死皮主要是肌膚表面組織的堆積物, 會讓皮膚看起來暗啞, 沒有光澤. 死皮是皮膚新陳代謝而成, 沖涼或捽身體會脫落. 隨著年齡增長, 呢種脫落的過程會逐漸減慢, 結果過多的角質就形成了粗糙乾燥的表皮, 所以要用peeling或磨沙去死皮, 保持肌膚光滑, 令護膚品更易吸收.

Mangosteen 山竹精華 Peeling Gel含AHA, 只需輕輕按摩, 就會有d"擦紙膠碎"捽出嚟, 連死皮都帶埋走, 用完全身滑嘟嘟. 面部及全身都適用, 乾皮膚及敏感肌要喺d冇咁易敏感嘅位置試一試先, 始終有AHA成份.

 質地係啫喱狀, 避開眼及嘴全面按摩, 2分鐘就滑哂, 之後再過返清水.

手/腳肘呢d粗糙位按摩耐少少, 有意想不到嘅效果.

幾多"擦紙膠碎"!!!

city'super $155

200% Mascara

睫毛dup dup真係會令眼仔無厘神氣, 一支好嘅mascara可以令雙眼大d, 個樣都醒神d. 市面上好多唔同牌子嘅mascara, 有某幾款都唔錯, 輕易整到dolly eyes. 呢支200% Volume Up Fiber其中一個優勝之處係夠輕身, 雖然可以同時滿足纖長同濃密兩個需要, 但唔會聚住眼皮, 而且掃頭好啱眼形, 輕輕一掃就見到效果, 夠捲曲又keep到成日, 加上蘊含5種美容液, 令眼睫毛唔會容易折斷, Good!!!

記住搽mascara要由睫毛根部掃起, 如果猛掃睫毛頂部會做成上重下輕, 好易會dup落嚟.

側邊睇, 好挺身!

莎莎$115 city'super$125