炎熱天氣不可少的止汗劑

未到炎夏已經覺得好熱, 出一陣街已經汗流浹背.  雖然汗本身冇味, 不過當著左唔通爽的衣服, 又混合埋皮膚上面的細菌, 好容易會有汗嗅. 

之前有睇過報導講止汗劑入面的防腐劑會導致女性乳癌, 雖然未經證實, 不過我會選擇用天然成份的止汗劑.  市面上其實有止汗劑同香體劑.  香體劑掩蓋汗嗅, 止汗劑會阻塞汗腺口,  減少汗水分泌.   我一向勇於嘗試, 大部份牌子的止汗劑都試過哂, 那些甚麼無添加天然品牌, 用得一星期到, 全都令我敏感.  香體劑都試過幾款, 但我覺得混埋汗味那陣味怪怪的 (有點像香水混汗味).  當中由醫生開的止汗水最work, 沖完涼抹乾身用, 不過我都係有d敏感, 用完好痕.

最近試左Erbaviva Organic Deodorant, 用左都有1個月, 就算出到成身汗, 都完全冇味.  Erbaviva係一個美國加洲的品牌, 產品具有機認證, 天然溫和無添加化學成分.   

Organic Deodorant分2隻, Lemon & Sage及Jasmine & Grapefruit.  我買左前者, 好清淡的精華油香味, 含豐富有機天然鼠尾草(有消除汗臭的功效), 檸檬, 廣藿香及茶樹油精華. 以穀物發酵來代替酒精, 再加上其他能有效抑制細菌滋生的有機精華油, 不會堵塞毛孔, 適合敏感皮膚. 

$220 / 100ML (都用到成個summer, 我用左1個月, 約1/5)
連卡佛同埋Elements的BALS Tokyo都有. 最近BALS Tokyo清貨, $176